ali ahmed ali dawod
عضو بادىء
عدد المساهمات : 21
تاريخ التسجيل : 12/02/2010
 |  موضوع: خواطر تودي في داهيه................................3  الإثنين مارس 01, 2010 8:43 pm | |
| كل مره با كتب فيها با حس ان روحي بتتسحب مني
با حس ان للكتابه طعم تاني خالص
لما باكون عايز اكتب با حس ان كل شئ حضرته عشان يتكتب سخيف
دايما بيكون عندي مشكله
انا ممكن اكتب حاجه مش حاسس بيها خالص
ابدا بس تطلع روعه
للاسف لاني باعرف البس الشخصيه اللي انا كتبها
يمكن كتير مش هيصدق
وكتير هيعترض لكن انا انا عندي الدليل
...................................................................................
مشكلتي اني با رتبط بالاماكن زياده عن اللزوم
و ده عيب مش ميزه وخصوصا لما تكون مش لوحدك
يعني انت مع اصحابك و عايزين تخرجه و تروشه
يقترحوا مكان فتلاقي نفسك متضايق
لانك مرتبط بذكريات هباب مع المكان ده
ممكن تضطر توافق مره
بس المره اللي جايه محدش
هيعذرك
و تبدأ تتخنق
.....................................................................................................
القياده
يا نهار ابيض انا حاسس ان فيه 80 مليون مصري عايزين يكونوا قائد على بعض
مره كنت في معسكر بالاسماعيليه
و كان موضوع احدى الندوات عن تقبل الاخر
و القياده الناجحه
رفعت ايدي و سألت سؤال واحد
لما يكون فيه عندنا عدد من الاصحاب
كل واحد شايف في نافسه مميزات وخبرات القائد الهمام
و يتحطوا في موقف معين
يا ترى مين اللي هيا خد القرار؟؟
انا عارف الاجابه................!!!!!!!!!!!!؟؟؟؟؟؟؟؟؟؟؟؟؟؟؟؟
.......................................................................................
هسأل سؤال بصراحه شديده
انت لما تلاقي حد احسن منك في حاجه
تحبه و لا تكرهه؟
انا عن نفسي ولا باعمل ده ولا ده
مش با حاول ادخل مسأله حبي وكرهي في الحكم على الناس
و خير دليل مانويل جوزيه في الاهلي
انا من عشاق هذا الرجل بس مشكلته انه بيتعامل مع لعيبته على اساس الحب والكره
المشكله مش في اللاعب المكروه
المشكله في المحبوب
الغيره يا عزيزي
...................................................................................
قلبك لما يكون مكسور بلاش تحكم على اللي حواليك
لان اول ايد هتتمدلك هتحبها و تحس انها جايه في وقت ايادي كتير مجتلكش
المشكله لما تكون شخصيتك ضعيفه.....مع ان محدش شخصيته ما متتضعفش
بس هوووب يقوب التعبان داخلك من نقطه ضعفك
.....................................................................................................
مش عيب ان يكون ليك نقطه ضعف بس المشكله انك تحارب و ضهرك مكشوف
اي خطه محكمه بتلاقي فيها اكتر من ثغره
بس الجميل انك تحاول تقفل الثغرات ديه
...........................................................................................
انا با عرف اعمل اكتر من كذا حاجه
انا با كتب شعر
و قصه
با عرف امثل وكنت رايس فريق التمثيل في مدرستي
كنت ب أذن في الجامع وانا صغير شويه
با عرف اتكلم و اعبر عن اللي جوايا
با عرف ارسم كويس
انا طلعت الرابع على الاداره في الاعداديه في البينج بونج
انا كنت حارس مرمى مدرستي
انا باعرف اطبخ
بس عمري ما اتقنت حاجه من دول كان نفسي اكون متميز في حاجه
حاجه اول ما حد يشوفها يقول فينك ياد يا علي
......................................................................................
انا و ابويا ناقر ونقير
احنا تلت اخوات
عمري ما حسيت انه بيفرق ما بينا ابدا
بس فيه مشكله مش عارف هي ميزه و لا عيب
بيعاملني على اني انا الوحيد الي ممكن لو اتحطيت في اصعب المواقف واخطرها
انا بس اللي هعرف اتعامل
.................................................................................
لما تكون انت و واحد صاحبك واقعين في مشكله من نفس النوع تقريبا
و تلاقي الناس زعلانه قوي و متأثره
بس عليه هو بس
وتلاقي الف ايد بتوسي و تكون انت محتاج ايد واحده بس
تفتكر هتعمل ايه
الموقف ده حصل قدام عيوني
المشكله ان اللي كان محتاج الايد الواحده
بس المشكله ان الناس برضه بتعامله على انه قوي
كان عارف انه قوي و انه مش محتاج حد
بس طلع مش قوي وطلع محتاج كل الناس الي بيحبهم جانبه
.........................................................................................
ساعات بتضايق جدا من نفسي
لاني بحاول اكون باقي على حد هو مش باقي عليا
في ناس بتعاملني بأسلوب ابن ستين كلب
و بدافع الاخوة وعشان الواحد للجميع والجميع للواحد
و عشان اكيد لما تستحمل حد هو هيجيله يوم و يستحملك
وعشان خاطر انك خايف تعيش لوحدك
تبلع الظلط
والمشكله ان ظلطك انت يا اخي بيكون رخم على قلوب الناس
و نفس الشخص اللي يقولك استحملني
بتطلع منه مواقف زي الفل يمكن تكون قليله
بس اهي بطمنك ان الدنيا لسه بخير
عشان كده ترجع و تأكل ام الزلط
و تتمنى حد يكون زلطك كويس على قلبه
.............................................................................
كريم محسن
واحد معايا في كليه الطب البيطري
الراجل ده عبقري
عبقري
وانا متوقعله انه يكون حاجه
حاجه هو مش متوقعها...............................
...................................................
................................................................................
اسوء شعور في الدنيا لما حد صاحبك يحس انك عقدته في الحياه....؟؟؟؟
فيحاول بشتى الطرق انه يزيحك من حياته مع ان الموضوع اسهل من كده
shift+delete
.......................................................
انا نفسي في حاجتين
..........................................................................................
انا طلعت الغردقه في نصف السنه تبع الكليه
طلعت و مكنش معايا حد اعرفه غير صديقي العزيز محمد الشريف
انا عارف اني ب اعرف اتأقلم مع الناس
طلعت و انا عارف صديق واحد بس
رجعت و انا معايا الف صديق
ناس محترمه ناس بجد عارفه قيمه نفسها
ناس كنت ب اقابلهم في الكليه واسلم و امشي
دلوقتي انا عارف قيمتهم كويس قوي
ربنا يكرمهم
................................................................................
انا مش ملاك بس لما بغلط بعتذر وديه
حاجه مهمه
.............................................................................................
انا عمري ما حكيت لاهلي عن مشاكلي
او حتى افراحي
عمري ما شاركت حد ب اللي جوايا ابدا
ابويا و امي مره اكتشفوا اني حافظ 4 اجزاء كامله من القران
مره اكتشفوا اني بعاكس بنت الجيران وببعتلها جوبات
و كنا متفقين على الجواز
عمري ساعتها كان 10سنين
ابويا مره اكتشف اني طلعت الاول على الجامعه في القصه القصيره
المشكله انه مكنش عارف اصلا اني ب اعرف اكتب
اصلا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فيه اتنين غلطوا في بعض
كل واحد شايف التاني غلطان
طب يتصالحوا ازاي
؟؟؟؟؟؟؟؟؟؟؟؟؟؟؟؟؟؟؟؟؟
.......................................................................................
خيركم من بدأ بالصلح
طب ما احنا مش متخاصمين
المشكله ان فيه شرخ
ومحدش فيهم هينساه
؟
...................................................................................................
عمتي و امي هيجننوني
المشكله لما طرف تالت يخش
ديه هتبقى حرب عالميه كبرى تالته
...................................................................................................
حد بيحب القمر
زمان كنت ابصله اقول انا نفسي اقبى كده زيه
عالي وبعيد
كلنا جلنا نفس الشعور
و احنا زعلنين و احنا مكتئبين
القمر بيمثل لينا دايما حاله من الهروب
من الواقع ...القمر هو الحلم
هو الحياه السعيده
هو الوحده اللذيذه
القمر هو الحبيبه اللي طال انتظارها
القمر هو الشوق المجنون
بس انا مش بحب القمر.......لانه وحيد
القمر ملك بس مش متوج
..................... القمر ظل الشمس
القمر شخص بائس وحيد
انا محبش احلم غير بالحريه
و القمر مش حر
هو ليه القمر بيحب الليل و الضلمه................؟
و انا مش بحبهم
..............................................................................................
انا يشرفني اني علي داود
بكل مميزاته القليله وعيوبه الكتيره بس
عزائي الوحيد اني با حاول اتغير
.............................
لكل انسان مغلطش في حقي شكرا
و لكل حد فاكر اني غلطت في حقك متخافش انا
مش هروح بعيد مسير الايام توريك اني ما حولتش اغلط فيك
..........................................................
loloo | |
|
