خواطر تودي في داهيه.........11

سلام عليكم

انا اسف

الخواطر ديه هتكون كبيره شويه
.........................................................................



انا حاسس اني مكسوف

قبل ما حد يفتح بقو ويعترض

قبل ما الابتسامه تبدا تترسم في وشك انت وهو

وقبل ما حد يستظرف

انا حاسس اني مكسوووووف
اه ما اصل انا بتكسف برضه!!!!


مكسوف من غير سبب

والكسوف من غير سبب

زي الصوت من غير دبب


زي الحب من غير عجب

طبعا... ماهو الحب ميكونش حب من غير ما تستعجب

انك تحب حد دي مش قضيه

دي مصيبه يا ريس

وزي ما كل مره بنقول

مش شرط الحب بين الراجل والست
لأ خلي دماغنا اوقع
واكبر


خلاص الطفوله انتهت

والمراهقه الفكريه
العبثيه

معدش ليها وقت


السؤال اللي دايما بيجي على بالي

هو ازاي تعبر عن اللي جواك تجاه حد
خصوصا لما يكون اللي جواك ده ايجابي جدا
وحلو جدا


سؤال اخطر

هو احنا لازم نعبر عن اللي جوانا دايما؟؟؟

في حقيقه مكنتش واخد بالي منها

انا دكتور

والدكتور الناجح

لازم يكون ليه موصفات معينه

لأنه في يوم من الايام هيمسك مشرط
وهيفتح الجرح

الفرق بين دكتور والتاني

دايما في درجه تحكمه في اعصابه وقت اتخاذ القرار

هو عارف دايما انه مش هياخد القرار غير بعد دراسه

في مدرستين للتفكير

في ناس بتقول انك لما تفكر في حاجه
يبقى انت عايزها

وناس تانيه بتقول

انك لو فكرت في حاجه مرتين
يبقى الحاجه دي مش بتاعتك


انا بحبك

لو فكرت ليه وازاي والاسباب

حاجه من الاتنين

يهسيبك لاني هلاقي ان مفيش سبب معين خلاني افكر فيكي
او شئ جوهري
يخليني اتمسك بيكي



يا اما انا هحارب الدنيا كلها عشان عنيكي

بحبك

لما فكرت ازاي

مهتمتش
غير انك تكون جنبي

بحبك

لما فكرت ليه؟؟
مهتمتش

لأن لو كل الاسباب اللي في الدنيا اتجمعت في حد غيرك
عشان احبه

مكنتش ههتم

وبرضه كنت هحبك انت

ساعات با حس ان كلمه بحبك مختلفه
ساعات بكون عايز استطعمها من اول وجديد


ساعات باحس ان حبك انت عباره عن واجب وطني

زي حبي لتراب وعلم بلدي


ساعات باحس اني عايز العالم كله يكون عارف انا حاسس بأيه ناحيتك

عايز اصرخ وبكل ماتيت من قوه

عايز اللي فاكر ان زمن الحب انتهى يسمعني

عايز اللي فاكر ان معدش فيه مابينا قلوب تعشق و تدوب

عايز العالم كله يعرف ان فيه قلوب لسه منسيتش انها قلوب

قلوب ممكن تنسى كل شئ
قلوب ممكن تفتكر اي شئ

بس عمرها ما تنسى انها قلوب

.....................................................................
خواطر تودي في داهيه؟
اسم غريب حبيتين

انا عارف ان ديه المفروض كانت تكون اول خاطره
مش رقم ...11..!!!

مش اول مره افكر في الاسم
و مش اول مره بصراحه يعجبني

غرور يعني؟؟

بس المره دي حاسه مختلف
يمكن عشان بقالي كتير مش مسيطر عليا وعلى تفكيري غير حاجه واحده

حاجه مردتش اكتب واو اتكلم فيها غير لما احس
انها متبلوره في دماغي

الحريه

انا لما سميتها خواطر تودي في داهيه
ساعتها انا قررت اني اكون صريح و على حريتي

صريح قوي زياده عن اللزووووم

وقررت ميهمنيش حاجه او حد

ومخفتش

وكتبت

واول ما كتبت مفكرتش لأن دائما ما بتكون مشكله أي حد
عايز يكتب

سؤال رخم قوي قوي

هتكتب ايه؟؟

خليتها بظروفها

عشان كده مع اول عدد مكنتش اعرف اني هكتب تاني

ومع اول سطر يسيطر عليك احساس غريب

وسؤال لابد منه

بتكتب ليه ولمين ويا ترى حد هيقرالك ويشاركك
طب هتكتب رايك

ولا ايه؟؟؟؟؟

مش عارف بس ده سؤال نفسي حد يجاوبني عليه

انا بكتب ليه............و لمين؟؟؟؟

ساعات باحس اني باكتب قصه حياتي في جمل

ساعات باحس اني بارخ لفتره من اهم فترات الانسان
وفترات حياتي

لما كنت باضحك كنت عايز اكتب
ولما كنت زعلان بكون عايز اكتب

مش شرط الواحد يكون زعلان من حد
ممكن يكون زعلان من نفسه

او فرحان من نفسه

يعني راضي عن ذاته
وده بيقودني لتاني حاجه نفسي اتكلم واكتب عنها

الرضا عن النفس

طب يا ترى الحاجتين دول

الرضا والحرية

مرتبطين ببعض

قبل ما نحاول نجاوب ونفكر

لازم تكون مستعد انك تقول اه
او
لأ

بحس ان كلمه الحريه
كلمه واسعه وليها اكتر من انها مجرد كلمه

ابسط شئ بيجي في ذهن أي حد
عن الحريه

ان اعمل اللي انا عايزه في الوقت اللي انا عايزه

اعمل

حد خد باله من الكلمه

ساعات بحس ان الحريه حريه فكر اكتر منها حريه
عمل
Freedom is in your mind not only in your actions

مش شرط عشان تحس انك حر انك تعمل اللي انت عايزه

ماهو انت لما كل يوم بتروح الكليه الساعه 8 صباحا
وفي يوم تغيب
طب م انت اهو عملت اللي انت عايزه

انت لما بتعمل اللي انت عايزه
انت مجرد بتغير في عاده من عاداتك

اما لما تفكر في اللي انت عايزه
وتوصل بتفكير لمناطق انت عايز توصلها
ولان التفكير معلهوش قيود
لأنه نابع منك انت

فأصبح ان بحريه تفكيرك ديه
ممكن انك تغيير وتأثر في اللي حوا لليك

لو سنحت الظروف طبعا!!!!!؟؟؟؟
........................................................................
لو قسمنا الحريه لدرجات

وحاولت توظف الدرجات ديه مابينك وما بين نفسك
هتلاقي نفسك بتوصل لحاجه جديده
من خلال احساسك بالحريه


درجات الحريه زي ما انا شايفها
متوصله ببعض

ومش بتنفصل
ومش سهل تحقيقها
يعني عزيزي المتشائم لا تقرا هذه السطور!!!!


اول درجه في رايي

هي
حريه التفكير

انك تفكر وتفكر وتفكر

فكر في نفسك رقم واحد
ما هو انت لو مبدأتش بيها يبقى حريتك هتبوظ

وهتضيع تعبك على الفاضي؟؟
لانها اساس كل شئ
نفسك طبعا
و عمرك ما هتوصل لشئ

انك تفكر في نفسك وتحاول توصل مع نفسك لمعادله
تحل بيها الغازك !!!!!؟؟؟
والحاجات اللي بتحيرك من نفسك؟؟؟

هتبدأ تحس ان اول خيط مقيدك أتفك

وما اكتر القيود

وتبدا تفكر في اللي حواليك من اصغر امر من ابوك
واتفه انتقاد بيتوجهلك من اخوك الكبير

لكل لمسه حنينه من امك

ليه؟؟؟؟؟؟

لازم تسال نفسك ليه؟؟؟؟

متسيبش نفسك غير لما تعرف اجابه؟؟!!

ليه؟؟؟

سؤال ازلي حائر
لو عرفت تجاوب عليه

هتلاقي الخيط التاني اتفك

تفكر و تفكر وتفكر
ولازم تعرف ان التفكير ليه مشكله
ومشكله التفكير انه مبينتهيش

ومابينفعش انك تتجاهله

مره سألت ابويا ليه ضياء اخويا كل ما بيجي ينام

اول مايحط راسه هوووووب
كل سنه وانت طيب

في سابع نومه؟؟
قالي: ده دماغه فاضيه

معندوش مشكله عايز يحلها او حاجه شغلاه
او موززززززززززز تعابه اللى جابوة

طبعا انا ممسكتش نفسي من الكلمه

وهاتك يا ضحك
؟؟؟!!!
يا ابن الذين يا حج احمد

مشكلته انه فاهمني

وتبدأ الخطوة التانيه
او الدرجه التانيه من الحريه

حريه التعبير

ماهو انت لما تفكر
بيشتغل مع مخك جميع عواطفك واحاسيسك

لما بتشوف فيلم اجنبي
والبطل بيقاوم الظلم
وبيحارب

ويلمس فيك حاجه بتلاقي نفسك وغصب عنك
جواك شئ غريب بيتحرك
بتبقى عايز تنط جوه الشاشه وتساعده

وتحارب معاه

التعبير عن نفسك!!!!!!!!!


لو بصينا في الاحداث اللي حولينا
هنلاقي ان القضيه المسيطره على كتير مننا هي حريه التعبير

في كل مكان وكل زمان


الصحفي بيجسد الخطوتين دوووول في الحريه

الخطوه الاولي انه بيشوف حواليه المشكله
يفكر فيها

يتابع احداثها

ويبدا التفاعل الكميائي
اللي بينتج عنه
التعبير

طب الخطوه التالته في الحريه

هي حريه التصرف

والحاجه الوحيده اللي دايما بحب اقولها

انك فكرت

وحسيت

وتفاعلت

يبقى ايه اللي نقصك عشان

تتصرف

و يا ريت
بعد ما تنفذ

ويكون فيه تبعات لتصرفك

متقلش انا مالي

او ترمي اللوم على حد غير نفسك

ولا حتى عليا

عشان انا قلتلك خليك حر



.........................................................................................................
فيه ناس بتقول اللي يدور في دافاتره
القديمه

ما هو الا انسان مفلس



بس انا مش بشوف الموضوع كده
ساعات الانسان بيعدي وقت عليه

لازم ينكش في دفاتره القديمه

ويستغلها
ويمكن كمان

ان ده يكون الوقت المناسب للتخلص منها


بس انا دفاتري القديمه

عجباني

كلها شعر

وقصص

وخيال

طبعا انا هنا مش بتنطط
على اللي جابوكو

بس انا كنت سيس قوي

هههههههههههه

محمد مصطفى هيتضايق قوي

مش عشان هو سيس


لأ لأنه مبيحبنيش انتقد نفسي

ولا مابيني وبيني ولا قدام الناس

فيه حته شعر عجباني قوي

طبعا انا اللي كاتبها


ونفسي اكتبها تاني دلوقتي


بغض النظر عن كميه التشاؤم اللي فيها

فيه رأي بيقول انك عشان تكتب لازم تكون في المقام الاول انسان

ليك احاسيسك الخاصه

والكتابه هي اللي تعبر عنك

زي ما قلولنا في اولى ثانوي

التجربه الذاتيه


اما انا بحب الاصعب

التجربه العامه

بحب اتقمص شخصيه
واعيش مشكلتها
واكتب عنها


عارف ايه المهم

انك تحسها

بعد كل المقدمه دي

يلا نقرا سطرين الشعر دووووووووووووووووووووووووووووول
............................................................
سالتك يا نفسي يوما
الفرار

لا احد يفهمك كانك ملايين
البحار......

اهون عليا الانتحار
خير من طول
انتظار
؟؟؟

صرت لا اطيق نثر البذور
كي تاتي
الثمار
؟؟؟

صرتي بلا شخصيه او
قرار

كرهت الليل ......
وسئمت النهار

حياتك يا نفسي صارت لنفسي
ذره غبار
؟؟؟؟

..............................................................

حياتك يا نفسي صارت لنفسي
اسوء قناع
في ابشع مسرحيه.......

كنتي يا نفسي غبيه...

فلا تكوني عصيه....

فانت صرت كالمراكب
الورقيه.......
في بحور
الضياع
؟؟؟؟

فري يا نفسي وكوني يوما
منطقيه!!!!


سئمت ان اعيش
دوما
كالضحيه.....!!!!؟؟

.................................................

صوتك مبحوح.....
بلا رنين

صورتك في المرايا
محاتها السنين

في ماذا تفكرين؟؟؟

وماذا تنتظرين؟؟؟

يا من ظننتك يوما
قطفا من الياسمين؟؟؟

...................................................

بسبك صرت بلا

شعور......

سفينه تلفظها

البحور......

ملكا ولكن

تكرهه

القصور......
؟؟؟
......................................................

لا تبكي يا نفسي قد فات
الأوان

ستجربين بعدي

وساخسر انا نفسا
جعلتني

انسانا بلا انسان


......................................................


الجزء ده ارهاصات قصيده كتبتها

وهي من النوع الشعر الحر

....................................................

شكرا

Looooooooooooooooooooooolooooooooooooooooooooooooooooooo


16/10


شكرا لأي نقد .... رأي ...... او استفسار

علي داود

حياتك يا نفسي صارت لنفسي اسوء قناع

صرت لا اطيق نثر البذور كي تاتي الثمار؟؟؟

سئمت ان اعيش دوما كالضحيه.....!!!!؟؟

صوتك مبحوح.....
بلا رنين

صورتك في المرايا
محاتها
السنين

بسبك صرت بلا

شعور......

سفينه تلفظها

البحور......

ملكا
ولكن

تكرهه

القصور......
؟؟؟

&&&&&&&&&&&&&&

شكلها ارهاصات جامده يا دكتور

الخواطر ده جميله قوىو احسن حاجه فيها التلقائية
و انا لما قريت الخاطرة ده حبيت اقراء باقى الخواطر
اسلوبك جميل قوى