ممكن نتعرف ؟؟؟

Name: Amina Omar.
Age: 17 years old.
Profession: level 1....faculty of vet.med.
My hobbies: swimming......... .

منورين الدنيا كلها يا احلى دكاتره بيطرين في الدنيا
ويسعدني بجد اني اكون معاكم هنا في المنتدى
وبطاقتي كالتالي
الاسم/ياسمينا واصحابي بيقولوا لي يا توتا
السن/18 سنه الا سبع شهور ههههههههه
المهنه/الفرقه الاولى في طب بيطري القاهره(طبيبه بيطريه صغنونه بقا)
الهوايه/كل ما يخص الطب البيطري
.

اهلا بيكم منورين
اسمى مروه
عندى 17 سنه
كليه طب بيطرى طبعا سنه اولى ويارب اخلص منها ع خير
هواياتى حجات كتيره بس مفهاش اى حاجه تخص طب بيطرى

peace be on u all
my name :ola ahmad ali
age:18 years
faculty of veterinary medicine ,university of cairo.
1st level
that is enough............

انا اسمي علي

وبابا اسمه احمد

وسماني علي عشان اسم جدي كده

يبقى انا اسمي علي احمد علي

ولقبي داود

سني مش بيتحسب بالسنين ولايام والشهور

سني بيتحسب بكل مره نجحت فيها

بكل كلمه حب سمعتها من حد حببني قوي

بكل ضحكه ضحكتها فيوم من قلبي

اما السن اللي هو بتاعكم

22 سنه ابو تريكه يعني

مليش مهنه محدده

لو كانوا عملوا للتفكير مهنه

كنت هقلكم

اني المفكر الكبير على داود

هوياتي هوايه واحده يتيمه اني اكتب

با كتب قصص وشعر

بس انا دلوقتي باكتب خواطر اسمها خواطر تودي في داهيه

على الفيس بووووووووووووك

اللي عايز يقرها

انا اسمي على داود وهي موجوده هنااااااااااااااااك

شكرا

اهلا بيكم كلكم نورتونا
واتمنى اننا كلنا نشارك مع بعض ونفيد ونستفيد من بعضينا

فعلا احنا لازم نحط ايدينا في ايدين بعض الدكاتره الكبار والصغيرين كلنا بجد بنسفيد من بعض مش شرط دايما ان الكبير هوا اللي بيعلم الصغير بس لازم كل واحد يبدع في مكانه عشان نقدر نفيد مجتمعنا ونعلى بشان الطب البيطري في مصر
وان شاء الله هيكون على ايدك يا دكتور محمد وطبعا كل الناس اللي معاك في المنتدى دا يمكن تقدروا تقدموا حاجه مفيده للناس وانا واثقه من دا باذن الله

انا برضه عايز احط اديا في اديكم كلكم

انا بقالي نصف ساعه مددها ومحدش سلم ولا اتكلم

اللى متابع الطب البيطرى من زمان
هيلاقى انه تتطور كتير فى اخر سنين
واصبح كتير من الناس عارفين اهميته ومكانته فى المجتمع
وان شاء الله يكون افضل وافضل

منور يا دكتور حماده المنتدى(معلش بقا يا جماعه انا مش مشرفه عشان ارحب بيه بس لازم ارحب بقا لانوا دفعتي ولازم نعمل الواجب).منور يا دكتور
وبجد عندك حق هو في خلال السنوات الاخيره الطب البيطري بقا احسن وفضل وهيكون افضل واحسن كمان على ايدينا وعلى ايد الاجيال اللي طالعه دي بس بصراحه مصر من الدول اللي كان فيها المجال البيطري فيها متدهور جدا مش انتشر كدا الا بعد ظهور الامراض وكدا وهيفضل ينتشر لحد م يوصل للقمه زي امريكا وكل معظم الدول العربيه
ومن موقعي هذا احب اشكر كل الامراض والاوبئه والفيروسات اللي خلت مصر تهمت بالبيطره والدكاتره البيطرين
ههههههههههههههه

طب اعرف نفسى انا كمااان اشمعنا يعنى ههههههههههههه

انا ولاء عبد المجيد
عندى 21 سنه
رابعه بيطرى طبعا جامعه القاهره
بحب جدا ادور على كتب فى المجال البيطرى وخصوصا مجال الادويه والباطنه لان بحس انهم اساس الدكتور الناجح ان اعرف اشخص واعالج بطرق غير مكلفه لصاحب الحيوان

حابه جدا ان اكون هنا معاكم عشان حاسه ان نقدر نعمل حاجه بجد لتحسين صوره الطبيب البيطرى فى كل مكان لاى حد مش فاهم قيمه الطب البيطرى

كفايا كده عشان مش ازهقوا

انا دينا على
الفرقه الرابعه
21 سنه
حاسه ان جيلنا ده عليه عبئ كبير جداا اننا نقدر نطور بلدنا و نخليها احسن
واحنا ان شاء الله نقدر نطور فى المجال بتاعنا و نغير حاجات كتير
ربنا يعينا

دينااااااااااااا فرحتينى بوجودك بس ياريت تداومى هنا بجد

اهلا بيكى يا جميل

ان شاء الله يا ولاء

منورييييييييييييييييييييين
يا احلى دكاتره في الدنيا
وبجد انا حاسه ان لو كل واحد بدا بنفسه اكيد المجتمع اللي احنا عايشين فيه هيكون احسن على ايدنا باذن الله

السلام عليكم ورحمة الله وبركاته

انا احمد

الفرقة الثالثة طب بيطرى القاهرة

من هواياتى الرياضة بشتى انواعها واللياقة العالية

نفسى اقدم ليكم حاجة تفيدكم زى مانا اكيد هستفيد من وجودى هنا

ونفسى اخلى للطب البيطرى مكانة مرموقة فى مصر غير الشائعة عليه

ومادام انت وانا عندنا النية يبقى الطب البيطرى هيكون حاجة

ودى مش شعارات وكلام اونطى وخلاص

لأن كل واحد منا المفروض يعمل الصح وملوش دعوه بحد ويتبع اداب وتقاليد المهنة

واداب وتقاليد حياته الخاصة فى تعاملاته مع نفسه ومع الناس

وربنا معانا ياجماعة

السلام عليكم ورحمه الله وبركاته انا عندي 17 سنه
وفي اولي بيطري بس انا في اولي بيطري سوهاج
ومبسوطه اوي اني اشتركت معاكوا في المنتدي