بعنوان المصالحه مع الذات
كل ما يجي اكتب اقوله يا ابن الحلال
بلاش
هتقول ايه جديد مكفايه بقى صدعت دماغ اللي جابو اهلنا
يطلعلي لسانه
ويهز ديله
وينفض جسمه
وشعره يقف ويقلي:
انت مالك انت
ده انت لولايا كنت توهت
"نعم يا خويا؟؟؟"
طبعا الكلام دلوقتي على لساني
مخاطبا ومعاتبا ومحذرا
ومنذرا
عقلي الباطن
ثانيه واحده بقى يا عم الحج اما نحكي للبشر سبب الخناقه ونشهدهم علينا
بصوا
مشكله مهمه جدا و بتواجه كتير من الناس
هي با ختصار
الشخصيتين تلاته اللي جواه
والكلام هنا مش معناه الشخصيه المتصنعه
او النفاق
او اكيد مش الانفصام في الشخصيه
امال ايه
الحياه كلها طرق وسكك
يمين وشمال شارع جنب شارع
وحاره ضيقه وحاره واسعه
والطريق
اللي هوه طريقك
طريق طويل
وصعب
الشخصيات اللي جوانا مبتظهرش غير عشان
تقرفنا في عيشتنا
وكأنهم موجدين عشان يخنقونا مش يفيدونا
يعني الواحد مننا منقسم لعده اقسام
وكل قسم عباره عن شخصيه
او بمعنى دقيق للكلمه
القسم ده ما هو الا عن تعبير عن شخصيه
الشخصيه ديه ممكن تكون قابلتها في حياتك
او قريت عنها
او سمعت عنها
او ...........وده الاصعب تكون بنيتها
ليه بقى الشخصيات ديه بتكون مشكله
الشخصيات اللي جوه الانسان عامله زي البنات
محتاجين راجل معجزه
يتكيف عليهم ويفهمهم فبالتالي يقدر يعاملهم
بالنسبالي الستات دول عاملين زي الوحووووووووووش
عيزين حد من عيله الحلو عشان يروضهم
ويستأنسهم
طبعا الكلام هنا عن محاسن الحلو
سيده تدريب الاسود في مصر
المهم
الشخصيات اللي جوانا مشكلتها انها ديما في حاله صراع
ابدي
يعني لما تقع في مشكله
وانت اسمك علي زي اسمي
جواك هتلاقي
علي 1
علي 2
علي 3
وهكذا
تبدا المشكله
ويبدأ معاها الصراع
صراعك الداخلي
المشكله هنا لازم نفرقها مابين الصراع الداخلي مابين عده اشخاص اسمهم
علي
او شخص هو مش عارف
هو مين اصلا
الصراع بيبدأ وكل علي منهم بيحاول يقدم وجهه نظره
ويحاول يبرهن على صحه كلامه
وصدق نيته
وغلط بقيه علي
ده بيحصل ساعه ظهور المشكله
بصراحه انا من وجهه نظري
انا شايف ان اللي بيحصل ده
نوع خطير من التطور في العقل البشري
بس تطور ناقص
ليه
لما لقيت نفسي بقع
زي كتير من الناس في المشكله دي
روحت والكلام هنا على لسان علي الاصلي
لمهم كلهم وقاعدين في كوستا جامعه الدوووول
واه من كوستا جامعه الدووووول اه
والكلام هنا على الموووووووزززززززززززز اللي بيكونوا هناك
ورحت عامل اجتماع عاجل سري
ايه يا شخصيات يا ولاد.........................وطبعا مش هكمل الشتيمه
يعني انا مش هعرف اعيش كويس ولا ايه
يعني هو كل ما نقع في مشكله تودوني في داهيه
يعني يبقى موووووووووت و خراب ديار
.............................
طبعا ديه كانت شتيمه افظع من اللي قابليها
واحد من علي اللي كانوا قاعدين قدامي
الواد علي اللي عاملي فيها سياس ومناظل
قالي:
بص يا كبير بما انك الكبير
يبقى لازم نأسس شخصيه ديموقراطيه سليمه قائمه عل.........................!!؟؟
يا انهار يومك مش فايت
ايه ياض اللي انت بتقوله ده حكومه.... وديموقراطيه.....وشفافيه
وناقص تقولي كوسه
لأ لأ اقعد انت
وفجأه زي ما المقوله بتاعه
تمخض الجبل فانجب فأرا
لاقيتلك الواد علي التاني بيقولي
طب ما نعمل اجتماع ونحدد ايه المشكله
يخرب بيتك يا مسطول يا ابن .............................. وطبعا زي
ما فيلم اسف على الازعاج
تيتتتتتتتتتتتتتتت
امال احنا في ايه دلوقتي؟؟؟
حرااام عليك
وقبل ما اتهور
لقيت العاقل بتاعنا بدأ يتكلم
وبغض النظر ان الواد ده
انا بكرهه للله في لله
بس ما علينا
لانه قالي
زماااااااااااااان
هو كده العاقل دايما مكروه
من الحواليه
طبعا انا مش راضي اقلكم
ان فيه واحد من علي اللي كانوا قاعدين قدامي
عمال يهزر ويرمي في نكت
ويعلق
نفس التعليقات السخيفه
لدرجه ان الواد علي اللي جانبه
فهمه غلط
وقطع علاقته بيه
وبينا كلنا وقام حاسب على المانجه بتاعته ومشي
يلا في ستين
المهم كنا عند الواد العاقل
قالي
بص يا باشا
احنا عايزين قائد
اه ياد يا بن ال..................؟؟
وقبل ما اتكلم
قالي انا قصدي احنا هنفترض اننا شركه كبيره
وان الشركه ديه فيها مديرين
وانت الرئيس يا كبير
ايوه كده احترم نفسك
طبعا الكلام على لساني
بصراحه مفهمتش
قام قالي
احنا كل ما بنقع في مشكله بنتخانق
عارف ليه؟؟
الله حلو قوي السؤال ده
والكلام على لسان علي اللمض
عشان كل واحد فينا شخصيه مختلفه
بتبص لاي موضوع من وجهه نظر مختلفه
ولما بنعرض ارانا عليك بنتخانق
يا ابن الأيه
طب عايزنا نعمل ايه؟؟؟
كل واحد من المديرين
ما احنا في شركه بقى
ليه تخصص معين من اي شئ يحصل في حياتك
ازاي
يعني تحب تهرج
علي اللي فاكر نفسه دمه خفيف يهزر
واللي يحب يفكر سيبه يفكر
والي يحب حاجه يعملها مدام في نطاق تخصصه
لأن انت عارف وانا عارف ان مفيش حد بيعرف يعمل كل حاجه
اللي احنا مأسس
قصدي
الي انت مأسسه
حلو الكلام؟؟
وفجأه لاقيت محل كوستا جامعه الدول
واه من كوستا جامعه الدول اه
فجاه اترج تسقيف
بس على قفا الاخ اللي بيتكلم
ايه الجنون اللي بيقوله ده
وعقبال ما فكيته من الناس
................................................................
...........................................................
..................................................
اللي عايز يعرف اللي حصل بعد كده
الحلقه الجايه
معلش اصلي عندي سكشن جراحه بكره
تصبحوا على خير
وشكرا لاي استفسارا ت
او نقد او اقتراحات
loooooooooooooooooooooloooooooooooooooooooooooo
موضوع: خواطر تودي في داهيه .........................................9 
الثلاثاء مايو 04, 2010 3:59 am