خواطر تودي في داهيه .....................................................10

سلام عليكم


في حاجه مش كتير يعرفوها
العيد بالنسبه ليا اكتئاب

وده ملوش علاقه باني شخصيه نكديه
خالص والله
ده ليه اسبابه اللي يمكن اقولها فيما بعد في
خواطر تانيه

و في كل عيد اتعودت اني اكون لوحدي

ولما بتكون لوحدك بتعمل تلت حاجات ملهمش رابع

1_انك تسجر

او_2 ........................




الحاجه دي الولاد بس هم اللي يعرفوها كويس

وبلاش تلميحات عشان الرقابه!!!!!!!!

اما الحاجه التالته

هي انك تنكد على اللي جابو اهلك وتكتب

وطبعا لاني مش اناني

هاشاركم معايا انا كتبت ايه في العيد

وكل سنه وانتم طيبين
بس محدش يدعي عليا

ولان النكد لايفنى ولا يستحدث من العدم ولان كل مره باكتب فيها لازم يكون عندي مشكله او مصيبه

فاحب اطمن كل اللي خايف ان مشاكلي تكون خلصت
لأ

وعلى رأي الرائع منير
لسه المشاكل ممكنه
لسه الاغاني ممكنه

انا عارف ان مشكلتي المقدمات
بس المقدمات هي اللي بتحط اللي بيقرا في بؤره الحدث


حاجه اخيره ولان النت مقطوع عني

فانا بطلت حاجه كنت بعملها قبل ما اكتب

كنت دايما بحب اقرا كل الخواطر قبل ما اكتب الجديده
بس مش مهم

.............................................................................................................................................................................
طبعا دي الخاطره رقم 10

يعني لازم تكون مميزه
ايه الشئ المميز يا ولد يا لولو

عشان تتكلم عنه

ايه يا ولد يا لولو

بس
انا عرفته.......................
هو بعينه و غبوته

هو................................




الحب ده شئ غريب قوي
وعشان تكتب عنه لازم تكون مقرب.......
مش بس مقرب
انت لازم تكون مقرب قوي!!!!

الحب عمروا ما كان بين

راجل وست!!

بالعكس انا حاسس ان الراجل والست هم اساس فساد الحب!!
طبعا
مهو الحب زيه زي أي شئ في حياتنا
ممكن يفسد
وساعات كمان رحته بتطلع

الحب ليه صور واشكال كتير
وجوه كل شكل منهم صور واشكال

الحب ملوش قالب محدد
او صوره مثاليه

يعني مش عشان ده بيعمل كده يكون بيحب ده

الحب مش محتاج لوغريتمات تعبر عنه

الحب



الحب مش انك تكون عايز تعمل حاجه او تمتلك حاجه فتمتلكها



........................................................................................................
.......................................................................................................
يعني انا مثلا اكتشفت اني كنت باعمل حاجات مع اصحابي
بدافع الحب

وهي مش كده
او هم مش فاهمنها كده


وكنت فاكر عدم تقبلهم لتصرفي
اللي هو بدافع الحب

جحود منهم وعدم تقدير لتصرفي


!!!!!!!!!!!!!!!!!!!!!!!!!!!!!!!

اسوء حاجه بينساها الناس ان لكل واحد فينا
شخصيه
وبينسوا ده لما بيحبوا حد

انا بحبك
عايزك حلو في عيني
يبقى لازم تعمل زي ما انا بعمل
وتحب الحاجات اللي انا بحبها

والكلام سواء صديق او حبيبه او اخ

الحب مش شئ منطقي عشان يتفهم
ومش شئ خيالي
صعب الحصول عليه!!!!!!!!

مشكله الحب انه بيكون مصحوب
بحب تملك

سواء منك
او من اللي بتحبه

وفي الحالتين ديه بتكون مشكله
وعشان نفهم


الحب عامل زي كفتين ميزان
بس عمرهم ما بيتعدلوا

لازم كفه تغلب كفه

لان اللي بيتحكم ف الحب القلب مش العقل

في ناس فاكره انها حسباها بالسنتيمتر
هتعمل كده
وتأخد كده

بس المشكله ان اللي بيدي ومتوقع ياخد
عمروا ما بياخد
غير على قفاه لامؤاخذه

نرجع لحب التملك

لو انت اللي حبيت قوي
هتعوز تتملك اللي قدامك
هتعوزه معاك
مش بس انك تشوفوه عشان هو وحشك
لا ديه بقيت حاجه لا اراديه
رغبه بتتأجج جواك انك عايزه

عارف ايه المشكله
واللي بيخلي البركان الخامد بعد ما يغلي

يفور ويدمر كل اللي حواليه

ان اللي انت عايزه جنبك وامنت بيه
وخفت عليه

واديته كل حاجه جواك
ان صاحب اول حاجه في حياتك

ميكونش جنبك

في الاول بتديله الاعذار
وتبدأ تعيش على ذكرياتك معاه

بتفتكره وتفتكر معاه الصور الجميله

بتفتكر الصفات اللي كانت فيك وكنت بتحبها
وعشان خاطره سيبتها

تفتكر قد ايه انت كنت انسان مش بتهتم في الدنيا ديه غير بتلت اربع حاجات كلها تخصك انت وبس
ودلوقتي
انت قد ايه

سيبت كل حاجه عشان خاطره وبقى عندك حاجه واحده بس

تفتكر كام مره شاركك فرحتك
وتفتكر انه يمكن ساعتها كان فرحان اكتر منك

تفتكر
وتتنهد وتحس قد ايه جسمك بيتهز بيك
وان حبه اللي مالي حياتك
ومخليك عايش
بدء يكون ذكريات
مجرد ذكريات

تفتكرها لما تمر من شارع كنت فيه معاه

او ريحه اتعودت تشمها لما تشوفه

تتنهد
وتحس ان الدنيا ضيقه

وفي كل مره بتحتاجه بتسال نفسك نفس السؤال

يا ترى هو كمان بيحتاجني قوي كده؟؟؟

تتنهد وانت بتبتسم

وتخاف

ان في يوم من الايام تتكتفي من الدنيا ديه انك بس تشوفه
وتحلم ساعتها لو تسلم عليه
او حتى
تقرب منه

ابتسامتك خوف من المستقبل
وحسره على الماضي

وامل ان دموعك متنزلش
عليه وعليك

تحس انكم كنتم حاجه حلوه قوي

حاجه عاليه قوي

وفجأه
تحس ان ابشع كوابيسك بيتحقق قدامك
بعد ما كان احلى حلم
ما بين ايدك

ساعات الظروف بنكون اقوى مني ومنك ومن عشره زيك
ساعات الحلم من كتر ما هو حلو قوي
بتخاف متحققوش
فتتخلى عنه

بس انت مش بتتخلى عن حلم
او عن شئ

انت بتتخلى عن جزء من نفسك

تتنهد وتحس انك عايز تعيط
تعيط قوي
نفسك تعلي صوتك بالعياط

نفسك تستريح
وتسأل نفسك ان هونت عليه..؟؟

هو حاسس بيا
يا ترى هو الانسان نفس الانسان

تتنهد
وتخاف ان حد يسمعك

ياترى لو شوفته قدامي ها اعاتبه
ولا هاجري عليه

وأضمه
أضمه قوي
قوي

تحس انك بتتعذب
او بمعنى اصح
انت فعلا بتموت

بس يا ترى ...........................................

اخر ده كله ايه

ويتبقى السؤال


وتفضل الاجابه من غير قيمه

طول ما هي من طرف واحد



...............................................................................................................................

looooooooooooooooooooooooooooooooooloooooooooooooooooooooooooooooooooo


22|9

شكرا لأي استفسار تعليق او نقد