كتير مننا بيكون الانسان زعلان قوي
مكتئب او عايز يعيش حاله اكتئاب
بس المهم انه لما بيقعد مع نفسه بيحس انه بيمثل او بمعنى تاني
انه مش بيلاقي مبرر للحاله اللي هو فيها
فيتضايق اكتر؟؟؟...!!!؟
مشكلتنا اننا بنصدق نفسنا وبنحب نروح مطرح ما هي وخدانا... يعني بمثال بسيط
كام مره كنت بتتخانق مع ابوك او امك في موضوع معين و اثناء كده
ممكن الكلام يتطور
ايه بقى المشكله....
اوقات بتكون عايز تكبر دماغك وتخش تلعب على الكمبيوتلر او تنام
المهم الموضوع يخلص ويعدي على خير
بس اوقات تانيه هووب
تحس ان نفسك تتخانق المره ديه...طب وايه يعنى محدش هيخسر حاجه!!!؟؟
بغض النظر اني مش موافق علي طريقه التصرف في الموقفين
بس انا ببص هنا لنقطه تانيه خالص
انت.....انت اللي قررت في الحالتين
انت اللي وديت نفسك في اي من الطريقيين
..............................................................................................................................
الحلم جزء من شخصيه اي انسان بس فيه احلام بتكون نقمه على اصحابها
واحد صاحبي بس مش قوي يعني....المهم كان حلمه يبوس واحده...بجد مش هزار
المهم اخر مره شوفته كان في تالته ثانوي....
دخل حقوق ودخلت بيطري
وفرقتنا الايام
من اسبوع كده شوفته كان في الجامعه عند كليه اثار المهم سلمت عليه وقلتله ايه اخبارك ....
وبصراحه كان قاعد جانبه واحده صروووووووخ
منزلتش عيني من عليها طول محنا قاعدين
قالي عارف انا في سنه كام دلوقتي
انا في سنه اولى
و غيرت الكليه بتاعتي تلات مرات عارف ليه عشان
انا لسه بحلم ابوس واحده ولسه لحد دلوقتي ممحققتش حلمي
طب و الصروخ ده الله يخرب بيتك
ضحك......و قالي اقصدك ناني؟؟؟؟؟
ديه صاحبه اختي بفرجها الجامعه!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟
.............................................................................................................................................
اول ما اتنين يتخاصموا او فيه حاجه ما بينهم تتكسر
الدنيا كطلها بتقوم
مينفعش ازاي انتوا بتهزروا طب خليها عليك.....
وهي ديه الكلمه الرخمه اللي محبش اسمعها
يا اي اتنين سواء اصحاب ا و اخوات او حتى متجوزين
مفيش حاجه اسمها خليها عليك التسامح او الحب مش تكلفه
مش دوا مر هتخده على دفعه واحه عشان تخلص منه
ازاي ممكن تربطك علاقه بحد ممكن يشتمك في ضهرك او انت تشتمه في ضهره
ايوه ما هو خلاص معدش ملايكه في البشر خلصوا
.......................................................................................................................................
اجمل ضحكه هي اللي بتطلع من القلب طب لما يكون قلبك مجروح تعمل ليه؟؟؟
....................................................................................................................................
قبل ما اكتب السطر ده كنت هقول
نفسي لما اكبر
طب هو انا صغير و لا كبير؟؟
هو العمر بيتقاس بأيه في الزمن الي مباش للسنين فيه ليها معنى؟؟
......................................................................................................................................
عبد الرحمن صاحبي قالي زمان كلمه
عرفت دلوقتي اد ايه هو برئ
كنا في سنه تالته اول يوم فيها
سألته: ياه يا عبودي بقينا في سنه تالته؟
بصلي وقال: وعنيه لا يمكن انسها
احنا في سنه اولى +سنتين
!!!!!!!!!!!!!!!!!!!!!!!!!!!!!!!!!!!!!!!!!!
........................................................................................................................................
مشكلتي في الحياه اني متحمس زياده عن اللزوم
اول ما تجيني فكره معينه
هووووووووووووووب اقوم بادئ في التنفيذ
وده اكبر غلط
لان مش كل اللي حواليك هيقدروا يستوعبوا اللي انت عايزه
بس المشكله اني انا اللي عايزه عشان كده انا هفضل انا متحمس لاخر قطره في حياتي كل ما هفكر في
فكره جميله وتعبر عني هعملها
المهم الحق اعمل حاجه تخليني راضي عن نفسي
لان ناس كتيره بتموت افكارها قبل حتى ما تتكون
قبل ماتتولد
هحاول ..... وحتى لو فشلت طب يا اخي منا اهو حاولت
بجد شعور انك تحاول تبني حاجه ملهوش مثيل
ما بالك انك تحلم بالواقع اللي نفسك تشوفه...فتمر الايام وتشوفه
يا رب
...............................................................................................................................
كان نفسي اكون رئيس اتحاد الطلاب في الجامعه
كان نفسي اعمل حاجه
حاولت ...
ومنجحتش بس الشئ اللي يفرحك انك محولتش تعمل اللي نفسك فيه بأسلوب ملتوي
انا حلمي كبير بس مش اكبر مني
لان لو كان اكبر
مكنش هيكون بتاعي انا
................................................................................................................................................
عمري ما هتنازل عن حاجه بحبها
لانها بتاعتي انا
...............................................................................................................................
نفسي ربنا يديني القدره اعترف بأخطائي
ويديني العزيمه اني اعتذر للي زعلان مني
..............................................................................................................................
اما اللي مزعلني فكفايه عليه انه يكون مستريح
يا رب من قلبي
...............................................................................................................................
على فكره اللي كاتب الكلام ده مش ملاك لان الملايكه خلصوا
...............................................................................................................................
مش عارف انا ازاي كتبت الكلام ده
و يا رب ما اندمش اني كتبته
...........................................................................................................................
الدنيا مش حلوه
ولا وحشه
الدنيا هتفضل دنيا موجوده و احنا اللي ماشيين
انا لو كتبت كلمه كمان ابويا هياخد باله اني اقاعد على الكمبيوتر
\ربنا يستر\
loloo
موضوع: خواطر تودي في داهيه...................................2 
الإثنين مارس 01, 2010 8:41 pm