خواطر تودي في داهيه.........14

سلام عليكووووووووووووووووووووووووووووووو

على راي حبيبي الاستاذ اسماعيل ياسين

او سي سماعين

زي ما بيقولهالو اقرب الناس اليه
الله يرحمه


اخيرا اتخلصت من لعنه الرقم 13

حاجه كده زي لعنه الفراعنه

بتاعه الكوره مش حاجه تانيه!!؟؟

طبعا في الكوره والكوره بس لينا لعنه.....اما بقى يكون لينا لعنه في حاجه تانيه

محصلش ابدا

............................................................................................................................................................................


اصدقكم القول النهارده يوووووم الجمعه

والجمعه انتخه

والانتخه مزاج

تصحى من نومك متعرفش ايه سر الابتسامه اللي على وشك

ولا ايه سر انقباض قلبك

وحدش يوقلي ازاي الاتنين اتجمعوا مع بعض

لو انت زي من الناس اللي بتام بدري بحكم التعود

وبتستهبل

برضه زيي يوم الجمعه وتصحى متأخر

في انا عارف دلوقتي انت حاسس بأيه؟؟ ومش هكلمك عن الجسم المكسر

ولا العنين المغمضين الي كلهم نوووووم بالرغم من اننا اخدنا كفايتنا وزياده!!؟؟

ولا عن جنابك وكليتك اللي مليانه لامؤخذه

بحكم 14 ساعه نووووووم

ولزاما عليك تفضيها حالا!!؟؟

يوم الجمعه طقوس

كل واحد فينا ليه حاجات معينه بيحب يعملها فيه

يوم الناس اللي بتذاكر فيه

بتحس قد ايه هو يوم قصير

والناس اللي في كليه بنت ستين زي كليتنا لعنه الله عليها

ما بيصدقوا يلاقوا يووووم يقبلوا اهلهم وزاويهم

اقاربهم يعني

وبحكم ان الارتباط الرسمي المسمى بالخطوبه قد انتشر في دفعتنا لعنه الله عليها

الدفعه لا الخطوبه

ف ده اليوم المناسب عشان تخرج موزتك

سوري

خطيبتك بقى!!؟؟؟


.....................................................................................................................................................................................................

اسوء شئ بالنسبه ليا في يوم الجمعه


هو ان امام المسجد لا سامحه الله على ذلك الكم من الاخطاء الغويه

والتعبيريه

والتعبيريه

وكل ما يمت للغه العربيه بصله

هذا الامام لا سامحه الله

يواظب دائما وابدا على تعكير صف مزاجي

وتلاشي اي معنى او رغبه في التركيز

فيما يسمى بخطبه الجمعه

بصراحه انا مش عارف ايه الهدف؟؟

زاد الطينه بله ذلك الاخرق الذي يسمى المؤذن

يعني انا مش فقيه في علوم الدين وبحوره

ولا حتى انا باطمح اني اقلب نظام الحكم في الجامع

مثلا طمعا في منطب اي منهما

ولكن

قبل ما يكون موضوع الخاطره ممل وملوش لازم طب ما بسهوله

غير الجامع اللي انت بتصلي فيه؟؟؟


يعني انا اللي لازم اتغير

انا اللي هو الصح

اللي لازم يتغير

جامع عكاشه اللي انا بصلي فيه كل يوم جمعه

من وانا تقريبا 14سنه

اروح اصلي في جامع تاني


عم حجاج قالي كده

كل ده عشان وزاره الاوقاف مش لاقيه حد صوته حلو يأذن للصلاه

كل ده عشان خطيب المسجد

اللي لاسف اسمه الشيخ على

مقتنع انه امام الدعاه احمد بن حنبل


ولا الشافعي

يغلط ي الاعراب ماشي

لكن في الايات القرأنيه

اسمحولي

انا حقا اعترض

والناس اكيد فاهمه

فين ايامك يا شيخ جمال؟؟؟

اسلوب استفهام غرضه التمني

اقسم بالله انا كنت باروح الجامع من بدري يمكن تصادف ويكلمني ولا يوقلي اي حاجه

اقسم بالله

انا كنت باسمع منه خطبه الجمعه اللي ساعات كتيره ممكن تكون ب اللغه العاميه

ولا امل من سماعها

تحس انك بتسمع أيات القرأن الكريم

لأول مره منه

وجسمك يهتز لسماعها

يرغبك في طاعه الله بنبره صوته عندما تحث الخطبه على طاعه

وعندما تتحدث الخطبه عن معصيه

لا تستطيع ان تمسك تللك الدمعه وهي تفر من عينيك

يرتعد جسمك وهو يبكي امامك

تغسل روحك من فرط حب الله ورسوله

ساعات بتحس ان الوقت معاها لحظه لا تتمنى سوى تكرارها

اتذكر تلك الايام ولا اقول غير

لنا الله يا شيخ جمال

ولك الله يا شيخ على

للاسف
على اسمي
......................................................................................................................................................................................................................

طبعا الحكايه وراء ان الشيخ علي هو الامام دلوقتي
وأن الشيخ جمال

والله ما اعرف هو فين دلوقتي

بالرغم اني سألت عليه عم حجاج

بس هو كمان ما يعرفش

المهم

الشيخ جمال والشيخ على حكايه بتكرر كل يوم في مجتماعنا

واحد يجي ويعمل شعبيه نتيجه انه محبوب من الناس

الناس تبدأ تلف حواليه وتبدا تسمع كلامه

ده بحكم انه واصل لقلوبهم

مشكله الناس الكبيره في البلد او المسئولين بمعنى اصح

هي انهم فاكرين ان كل اللي زي الشيخ جمال

دووووول ناس مغرضه


وان الناس اللي بتحبه ناس لامؤاخذه ميعرفوش مصلحتهم

وانهم ناس غلبانه وبيضحك عليهم بالساهل

يعني الشيخ جمال واللي زيه

بيسقوا الناس حاجه اصفره عشان يحبوهم

على العكس تماما

بتلاقي اللي زيه بيعاملك معامله فعلا تخليك تستريحله

معامله مقنعه

ميتعاملش معاك على اساس عاطفتك فيبتزك

اسوء حاجه في الدنيا

الابتزاز العاطفي

ان اللي قدامك يخليك تعمل الحاجه عشان هو صعبان عليك ده نوع من الابتزاز

بس النوع الاقذر

ان اللي قدامك يخليك تعمل عشان قال ايه انت صعبان عليه

......................................................................................................................................................................................................................


مشكله ناس كتيره انها فاكره ان الدنيا دي مفيهاش غير مركز واحد بس

هو رقم واحد

مع ان دايما في رقم اتنين وتلاته واربعه

لحد السبعين


والالفين

مش مهم انت مركز كااااام دلوقتي

المهم عملت ايه عشان تلبي احتياجات المركز اللي انت فيه

كلامي مش على ترتيب معين

الدنيا كلها وده مش كلامي

او حاجه انا اخترعتها

عامله زي عربيات القطار

من رقم واحد لحد عدد معين

عشان تركب في رقم معين

لازم يكون معاك مؤهلات الرقم ده

المؤهلات دي ممكن تكون باستطاعتك

وممكن لأ

فمتموتش نسك على حاجه هي مش ليك

عشان مش هينوبك
غير انك تموووووووووووووت

وحتى مش هتاخدها

طبعا انا مش بلغي فكره التنافس

ولكن ما جدوى التنافس مع هذا الكم من الخسائر

مع ان الخساره ممكن تكون بسيطه في اوقات

ولكنها قد تكون قاتله في اوقات اكتر

لكل الناس اللي اتخرجت من كليتها وبدأت تخش في المعترك الحقيقي

ولكل الناس اللي لسه مدخلتش

او ناقصلها الزلطه الاخيره

اسعى انك تكووووون مؤهل للمكان اللي انت تتحط فيها

متعملش زي الشيخ علي

وتطلع على المنبر للخطبه

ومتكنش عارف انت بتقول ايه

او بتخاطب مين

خليك زي الشيخ جمال لعل وعسى الناس تفتكر بالخييييييييييييييييييييييييير


انا عارف ان النهارده الجمعه


والجمعه انتخه

والانتخه مزاج


سامحوني ان كنت قليت مزاجكم
.................................................................................................................................................................................................................


احداث هذه الخاطره حقيقيه

والاسماء ليست مستعاره

وربنا يسامحني

ان كنت اسأت الظن بأحد







شكرا لكل الاراء والنقد او الاستفسارات


loooooooooooooooooooooooolooooooooooooooooooooooooooooooooooooooo


الجمعه 26/2

2010

علي داود


مستني الاراء
وشكرا