خواطر تودي في داهيه..................................1

مش عارف ....بس انا بقيت ....و فجأه كده بحب الشئ الللي اسمه الفيس بوك

مجرد لما باكتب .... اشوف اخبار الناس...او حتى اغير صورتي ... شئ بيحسسني بالراحه

عشان كده انا باحب الفيس بوك

عبد الرحمن صاحبي قالي خد بالك....ده فضايح....مش اي حاجه تكتبها ...مش لازم تعلق على صوره عجبتك مش لازم تقول رايك في كل حاجه و في اي حد....خد بالك

بس ازاي....ازاي اقاوم الشعور ده....انك تكتب وحد يشوفك
وينتقدك
ان تكتب انك تحس

ازاي يا عبد الرحمن

انا مره كان ليا واحد صاحبي قوي....وبصراحه غلطنا كتير في حق بعض....بقول كده عشان مش بحب اطلع نفسي ملاك

المهم

كنت عايز اوصله اني خلاص مش فارقه معايا واني خلاص...............خلاص

ايه فايده الكلام ده....مش عارف بس انا بحس اني عايش لما باتكلم

ساعات باحس ان كلامي بيخلي الناس تهرب مني....وقليل قوي بيقربهم مني
انا واحد من الناس ....بس عايز اسأل سؤال

هو ليه الواحد مننا لما يقول رايه في نفسه الناس بتقول
عنه مغرور و بيشكر في نفسه....مع ان الواحد لازم يكون صريح
انا رايي ان ممكن الواحد يكون صريح...بس من غير تجريح في حد

زمااااااااااااان قالي واحد صاحبي..او كان صاحبي

الناس عشان تحبك لازم تصنفك!!!!!!!!؟؟؟؟؟؟؟؟؟؟؟؟؟؟؟

ايوه....يعني انت لازم يكون ليكي تصنيف معين عشان الناس تقدر تعاملك وتتفاهم معاك
الناس مبتحبش الغموض....او انهم يقابلوا حد نادر...و على فكره مش كل شئ نادر بيكون حاجه كويسه

طبعا ده كلام ممكن يكون صح.....بس انا حاسس انه كلام غبي!!!!!!!!!!!!!؟؟؟
............................................................................................................................
كان نفسي طول عمري اول ما اقابل اي حد مهما كان افهمه من عنيه....من تحركاته من نبره صوته
من اهتمامته......من كل تفصيله منه قبل حتى ما يتكلم........بس اكتشفت ان ده بيتعمل فعلا في حياتنا العمليه على نطاق اخر وبمفهوم تاني.....بس ممكن نلخصه في حاجتين

1"علم التنميه البشريه و مشتملاته و اساليبه
2.الانطباع الاول الجاهل
باسلوب تاني كنت فاكر ان الانسان ممكن يحكم على اللي قدامه من خلال ابتسامته
بس للاسف مش لما تلاقي الاسد مبين اسنانه يكون بيضحك..!!!؟؟؟
............................................................................................................................
انا بقالي سنه و نصف مخبي سر جوه قلبي و فجاه قلته النهارده
سنه ونصف عذاب و كنت فاكر ان الواحد لما يقول اللي جواه عذابه هيقل.؟؟!!؟
...........................................................................................................................

الذكاء ....انا واحد من الناس الي بتحب الذكاء....الذكي ميتعرفش الا من خلال حاجه انا لسه معرفهاش
لكني با حب الانسان الذكي
امي دايما تقولي مفيش حاجه اسمها انسان ذكي و انسان غبي....انا فكرت بس انا حاسس ان الكلام ده ناقصه حاجه
حاولت افرق بين الانسان الذكي و الانسان اللي مش ذكي
بيقولوا الذكي ليه لمعه عينين....الذكي هو اللي يعرف يستغل جميع المعطيات في صالحه
الذكي الي يكون قوي الملاحظه..سريع البديهه

كل ده حلو بس هل الذكي ده انسان متكامل؟؟
طبعا انا عارف ان الكمال لله وحده انا قصدي بمقايس البشر
طب يعني ايه انسان غبي

الغبي هو اللي يكون في ايده نعمه غاليه وميحافظ عليها!!!؟؟
الغبي اللي يتمسك برايه من غير ما يفكر في عاقبه اللي بيعمله!!؟
الغبي هو اللي يشوف كل اللي حواليه اغبيه!!!؟؟
..........................................................................................................................
في ناس ربنا بيديها نعم كتيره قوي قوي قوي بس ممكن يدوسوا على كل ده في سبيل حاجه في ايد ناس تانيه.....؟؟؟
يعني الكحكه في ايد اليتيم عجبه
......................................................................................................................
في ناس تحب تثبت ل نفسها انها مش اقل من حد ...... واحد صاحبي... او كان صاحبي حب يثبتلي انه احسن مني...فقرر يخسرني....
........................................................................................................................
اسوء حاجه انك تحكم عليا من خلال نجاحي او فشلي
انا يمكن نجحت عشان فيه الف ايد شالتني و الف قلب دعالي

ويمكن افشل في لحظه عشان كل دول اتخلوا عني؟؟؟!!!؟؟

.........................................................................................................................
انا حاسس اني في يوم هكون وحيد... مش عارف امتى؟ ومش عارف ليه
بس انا عارف ان زي ما الناس ممكن تكون شايفه اني مليان عيوب..ممكن يكون فيا ميزه تخليني
ممتميز عن ناس كتير؟؟
ساعتها مش هيهمني غير اني اثبت نفسي..................................................................................................... ......................
.....................................................

nice one.. Smile

عدد المساهمات : 1 تاريخ التسجيل : 25/12/2010

هو ايه الموضوع بقى متحاولش تعقد نفسك بحاجات عمرها ما هتتفهم عشان هى الدنيا كده والنفس البشريه مهما حاولت تدور فيها عمرك ما هتقدر تفهم حد غير اللى هو عايزك تفهمه ودى نصيحه منى مفيش حد غبى وحد ذكى فى حد بيستعبط او بيستغبى ودى فى كتير جدا من الناس ويا سيدى علق على اللى انت عايز تعلق عليه لو قعدت تبص حوليك مين هيقول ايه مش هنطلع من البيت

» خواطر تودي في داهيه................................3
» خواطر تودي في داهيه.................................4
» خواطر تودي في داهيه ........................................5
» خواطر تودي في داهيه.....................................6
» خواطر تودي في داهيه ....................................................7